Napoli gati të përmbushë kërkesat, Hysaj së shpejti me kontratë të re

Napoli gati të përmbushë kërkesat, Hysaj së shpejti me kontratë të re

Ditë të mira po vijnë për Elseid Hysajn. Ndonëse po kalon një sezon me ulje e ngritje, mbrojtësi i kombëtares shqiptare të futbollit pritet të rinovojë kontratën së shpejti me Napolin. Lajmin e japin mediat italiane, të cilat pohojnë se gjatë kësaj mesjave ka pasur një drekë pune mes agjentit të Hysajt, Mario Giuffredi dhe Drejtorit të Napolit, Cristiano Guintoli.

Shkarkoni aplikacionin më të mirë sportiv të momentit! Telesport është pjesë e tij. Kliko këtu > bit.ly/krowd9 për të marrë njoftimet në kohë reale për gjithçka ndodh!

Këtë gjë e ka konfirmuar eksperti i transferimeve dhe gazetari sportiv në Rai, Ciro Venerato, i cili është shprehur se tashmë palët janë më pranë marrëveshje së re. “Ka pasur një darkë në mesjavë mes Guintolit dhe Giuffredit, të cilët kanë biseduar për shtyrjen e kontratës së Hysajt.

Duket se palët janë më të relaksuara tani. Megjithatë kërkesa mbetet ende e lartë. 3 milion euro në sezon deri në 2023 dhe asnjë klauzolë largimi, është ajo që kërkon agjenti i futbollistit shqiptar nga Napoli”-shkruajnë mediat italiane.

Nëse kjo kërkesë e Elseid Hysajt do të pranohet nga Napoli, paga e mbrojtësist do të ishte një rekord, i vendosur ndonjëherë nga ndonjë futbollist shqiptar. Gjithësesi gjatë javës së ardhshme pritet të vendoset përfundimisht për çështjen e rinovimit.

Napoli ndodhet gjithashtu nën presion, pasi nëse nuk do të përmbush kërkesat e Hysajt, shqiptarin e pret Çelësi në Londër, aty ku drejton ish-trajneri i Napolit. Skuadra italiane ndodhet mes dy zjarreve, pasi edhe pse nuk e ka pasur titullar të padiskutueshëm, Elseid Hysajn, këtë sezon, mbrotjësi i kombëtares shqiptare është pjesë e planeve të trajnerit dhe klubit. Për këtë arsye pritet që të gjendet dhe gjuha e përbashkët mes palëve për kontratën e re.



Source link