Lajme nga Kosova

Pantina: Për dështimin e liberalizimit të vizave, Kosova dhe BE-ja bashkëfajtore (Video)

Deputetja e PSD-së, Shqipe Pantina ka thënë se sot komisioneri Johannes Hahn na është thënë diçka që e kemi ditur prej kohësh.

Pantina në “Përballje” me gazetarin Muhamet Hajrullahu në RTV Dukagjini ka thënë se çdokush që i njeh hapat teknik do të duhej të kishte ditur se s’ka liberalizim të vizave.

“Institucionet e BE-së e kanë fajin e vet me disa nga kriteret që i kanë vendosur Kosovës. Për të luftuar krimin dhe korrupsionit BE-ja ka përgjegjësi, pasi edhe EULEX-i e ka pasur në dorë drejtësinë dhe nuk ka bërë sa duhet”, tha ajo, përcjell Telegrafi.

Sipas deputetes opozitare, BE-ja sot ka dhënë mesazhin më të keq të mundshëm ndaj qytetarëve të Kosovës.

“Në këtë dështim fajin e kemi baras. Sa institucionet tona aq edhe BE-ja… Nuk mund të mos akuzojmë edhe institucionet tona”, tha Pantina.

Deputetja e PSD-së thotë se personat që punojnë në sistemin gjyqësor duhet të ndihen të turpëruar pas shtyrjes që BE-ja i bëri Kosovës në liberalizimin e vizave.

“Sot duhet të ndihen të turpëruar shumica e personave që punojnë në sistemin gjyqësor”, shtoi ajo, duke mos kursyer as politikanët.

“Është momenti i fundit kur koalicioni qeverisës, por edhe opozita të ulen dhe të gjejnë gjuhën e përbashkët… Sa kjo qeveri sot edhe ajo e kaluara ka përgjegjësi, nëse jo më shumë, për këtë dështim në liberalizimin e vizave dhe dialogut”.

Pantina thotë se institucionet e vendit kanë pasur qëndrime të ndryshme në politikën e jashtme.

“Unë mendoj që i takon Kryeministrit, sepse është vështirë të kesh besim te Presidenti, të ulet në tavolinë dhe të krijojë ekipin e bisedimeve”, tha Pantina./Telegrafi/


Source link

Add Comment

Click here to post a comment

Leave a Reply

/* ]]> */