Lajme nga Bota

Filmohet duke përqafuar mashkullin që i propozoi martesë, përjashtohet studentja nga universiteti më i vjetër i Egjiptit (Video)

Një studente është përjashtuar nga universiteti Al-Azhar i Egjiptit, nën akuzën se ka prishur reputacionin pasi është shfaqur në një video duke përqafuar një koleg.

Videoja është shpërndarë në masë të madhe në vendin e saj, ku shihet një mashkull me një buqetë me lule duke qëndruar i gjunjëzuar para saj ku më pas e përqafon pasi që i kishte propozuar martesë, transmeton Telegrafi.

Videoja nuk është filmuar në universitetin më të vjetër në vend Al-Azhar, por në një universitet tjetër veri të vendit. Këshilli disiplinor i universitetit Al-Azhar ka konfirmuar se “është vendosur që përjashtohet studentja”, këtë e ka bërë të ditur edhe zëdhënësi i universitetit Ahmed Zarie.

Ai tha se videoja ka nxitur reagime të ashpra publike, dhe se vendimi i universitetit për ta përjashtuar bazohet në atë se ajo përfaqëson një “imazh të keq” për universitetin Al-Azhar.

Zarie gjithashtu tha se përqafimi një mashkulli jo të martuar dhe një femre përbën shkelje “të vlerave të shoqërisë”. Megjithatë, vendimin për përjashtim, studentja mund ta apelojë. /Telegrafi/


Source link

Add Comment

Click here to post a comment

Leave a Reply