Lajme nga Shqipëria

Tragjedia në Maqedoni, Kuvendi mban një minutë heshtje

TIRANE

Kuvendi i Shqipërisë ka mbajtur 1 minutë heshtje në nderim të viktimave të tragjedisë në Maqedoni, ku si pasojë e një aksidenti vdiqën 14 persona dhe mbi 20 të tjerë u plagosën.

Në hapje të seancës plenare për ditën e sotme, kreu i Kuvendit Gramoz Ruci kërkoi që deputetët e mazhorancës dhe opozitës të ngrihen në këmbë për të respektuar viktimat dhe të plagosurit.

“Të gjithë jemi njohur me një ngjarje tragjike të një aksidenti në Gostivar, ku kanë humbur jetën 15 qytetarë të Maqedonisë. Për të nderuar dhimbjen dhe për tu gjetur familjeve që kanë humbur të dashurit e tyre ftoj kuvendin të mbajë 1 minutë heshtje”- tha Ruci.

Për shkak të tragjedisë së madhe që ndodhi dje në orët e pasdites në rrugën Shkup-Tetovë, Qeveria e Republikës së Maqedonisë së Veriut, pas përfundimit të seancës së jashtëzakonshme ka njoftuar se data 14 dhe 15 shkurt do të jetë ditë zie.

Aksidenti ka ndodhur në autostradën Shkup-Tetovë, në kilometrin e shtatë të saj teksa një autobus është përmbysur.

(d.d/BalkanWeb)


Source link

Add Comment

Click here to post a comment

Leave a Reply