Lajme nga Diaspora

Verona Gjinaj, taiboksierja e suksesshme në Zvicër

E Mërkurë, 17 Prill 2019 – 10:20
albinfo.ch

Sporti i taiboksit është pasioni e saj. Tash e disa vite ajo ushtron rregullisht për t’u bërë një taiboksiere e suksesshme. Edhe pse është vetëm 15 vjeçe, Verona Gjinaj ka fituar disa duele ndaj vajzave kundërshtare. E fundit ishte para disa javësh kur Verona u stolis edhe me një Kupë.

Por, nxënësja e shkollës së mesme në Kriens të Lucernit ka një sfidë para vetës. Të shtunën ajo do të del në ring përball zviceranes Tiffany Wilend.

“Është ndeshja më e rëndësishme për mua dhe besoj se do ta fitoj edhe këtë garë. Jam përgatitur shumë dhe do të dal fituese”, thotë Verona për albinfo.ch, e bindur në fitore.

Por, pse Verona e zgjodhi taiboksin si pasion të saj? “Si fëmijë më kanë pëlqyer gjithmonë sportet luftarake. Mandej u regjistrova në klubin e trajnerit Tefik Bajrami prej të cilit kam mësuar shumë që të arrij suksese”.

Verona flet: shqip, gjermanisht, anglisht, pakëz spanjisht dhe kroatisht.

Prindërit e Veronës të cilët vijnë nga komuna e Gjakovës e mbështesin vajzën e tyre, por primare për ata janë sukseset e saj në shkollë. “Ne do ta mbështesim në pasionin e saj, por Verona krahas sportit do të na bëj të lumtur edhe me sukseset në shkollë”, thotë, babai i saj, Skender Gjinaj, raporton albinfo.ch.

Ndeshja mes Verona Gjinajt dhe zviceranes Tiffany Wilend do të zhvillohet të shtunën, me  20 prill 2019 në Krauerhalle, Kriens Luzern.


Source link

Add Comment

Click here to post a comment

Leave a Reply