Lajme nga Shqipëria

Pamje nga vendngjarja/ Aksident në Fier, makina del nga rruga, 3 anëtarë të familjes përfundojnë në kanal

FIER

Tre persona të cilët udhëtonin me një automjet tip “Toyota” kanë përfunduar jashtë rruge në aksin Levan – Fier mbrëmjen e kësaj të shtune. Gazetari i “BalkanWeb”, Ervis Kuçi raporton se makina me targa greke YKT 5006, për shkak edhe të reshjeve të shiut ka dalë jashtë rruge, por fatmirësisht nuk ka pasur të lënduar.


Bëhet me dije se familja me tre anëtarë ishte kthyer nga Greqi dhe në makinë udhëtonte burri, gruaja dhe vajza e tyre.   Mjeti pasi ka humbur kontrollin ka përfunduar në kanalin anësor. Menjëherë në vendin e ngjarjes kanë mbërritur uniformat blu dhe autoambulanca.

Fatmirësisht nuk ka pasur asnjë të lënduar, ndërsa të tre anëtarët e familjes së përfshirë në aksident kanë përjetuar frikë të madhe. Policia dhe grupi hetimor ndodhen në vendin e ngjarjes dhe po punojnë për zbardhjen e shkaqeve .

(n.m/BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb


Source link