Sports

Stadiumi i Dohas nuk është ende gati, Botërori i Klubeve ndryshon destinacion! – Balkanweb.com

Kur nuk kanë mbetur shumë ditë përpara nisjes së Botërorit për Klube, kanë filluar provlemet e para për organizatorët. “Education City Stadium” i Dohas, që duhet të priste finalen, finalen e vogël për vendin e tretë dhe gjysmëfinalen e Liverpulit, nuk është ende gati sepse nuk ka marrë çertifikimin dhe nuk mund të jetë gati deri përpara muajve të parë të vitit 2020. Tre ndeshjet e mësipërme do të zhvillohen në “Khalifa International Stadium”.

Ky Botëror Klubesh është dhe një test i madh për Katarin, që në vitin 2022 do të presë Botërorin e parë në histori, i cili do të zhvillohet në dimër. Nga tre impiantet e përzgjedhura fillimisht për aktivitetin, njëri ka dështuar. “Education City Stadium” prej 40 mijë vendesh nuk është ende gati për testet protokollare të FIFA-s. Tetë ndeshjet në program do të zhvillohen në “Jassim bin Hamad”, stadium 11 mijë vendësh, dhe “Khalifa International Stadium” me 28 mijë vende.

(Balkanweb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Huazuar nga