Lajme nga Diaspora

Ciao Berto nga Kosova prodhon enterierin tuaj në Zvicër!

Mund ta mobiloni një shtëpi me të gjitha hapësirat e saj me produktet e kompanisë Ciao Berto nga Kosova. Mund ta plotësoni të gjithë enterierin e një hoteli me produktet e kësaj kompanie.

E Enjte, 16 Janar 2020 – 13:27
albinfo.ch

BEKIM KRASNIQI – CIA BERTO

Të gjitha të prodhuara në Kosovë, me teknologjinë më të fundit që siguron cilësinë e lartë dhe me dizajne unike që i përshtaten trendit dhe shijeve individuale. Kompania Ciao Berto merret me përpunimin e drurit dhe prodhimin e mobiljeve që nga themelimi në vitet e nëntëdhjeta. Gama e produkteve përfshin: kuzhina, dhoma të fjetjes, tryeza të ndryshme, komodina, sofa të madhësive të ndryshme, dyer të brendshme druri dhe dyer e dritare nga PVC-ja.

Ciao Berto ka dy pika shitjeje në Vushtri dhe Prishtinë dhe prej dhjetë vitesh eksporton produktet e bëra në Kosovë në shtete evropiane, kryesisht Zvicër, por edhe në Gjermani, Austri, Suedi dhe Norvergji. Ciao Berto merr pjesë për herë të parë në panairin më të madh të industrisë së ndërtimit Swissbau që mbahet çdo dy vjet në Basel, Zvicër.

Këndi me kuzhina, tryeza dhe dyer të brendshme poashtu edhe dyer e dritare nga PVC tërheq çdo ditë vizitorë të shumtë që interesohen për më shumë detaje të produkteve dhe mundësi bashkëpunimi.

Produktet janë të ekspozuara në një lokacion strategjik brenda hapësirës së panairit, në Halle 1.1/Stand B79. Bekim Krasniqi, anëtar i bordit të kompanisë, thotë: “Jemi në fazën që duam të zgjerojmë eksportin. Sapo kemi përfunduar fabrikën e re me kapacitet të shtuar dhe me teknologji prodhuese të avancuar me origjinë nga BE-ja. Mund të prodhojmë për shembull deri ne 180 dritare në ditë, ose 45 kuzhina në ditë. Zvicra është tregu që synojmë të zgjerohemi”.

Përveç Zvicrës, kompania synon të zgjerojë eksportin edhe në Gjermani e Suedi. Kjo është dhe arsyeja pse kanë vendosur të ekspozojnë ofertën në Swissbau, si një hap i duhur drejt përmbushjes së këtij vizioni. “Shumica e vizitorëve në dy ditët e para kanë qenë kompani të diasporës dhe jemi shumë të kënaqur me kontaktet që kemi krijuar.

Presim të fillojmë së shpejti me bashkëpunime të reja” shton Bekimi. Për Bekim Krasniqin, është kënaqësi kur dëgjon nga vizitorët komente se si befasohen që kjo cilësi prodhohet në Kosovë.

Deri tani, produkti më i pëlqyer janë kuzhinat.

Hapi i radhës për kompaninë Ciao Berto pas pjesëmarrjes në Swissbau është të materializojë bisedimet me një kompani të diasporës për hapjen e një salloni të përbashkët në Zvicër dhe të gjejë modalitetet më të mira për realizimin e kësaj ideje. “Duam të jemi sa më pranë klientëve në Evropë” thotë Bekimi.

Artikull i sponzorizuar


Source link

Add Comment

Click here to post a comment

Leave a Reply